مصطفي درويش

- مصطفي درويش

مصطفي مصور فوتوغرافيا Freelancer موهوب جا ويعتبر من الناس القوية في مجال التصوير في مصر, وليه صور كتيرة جدا مشهورة ومعروفة.

من الحاجات اللي مصطفي بيتفنن فيها هي تصوير الحياة اليومية للناس البسطاء والمهن بتاعتهم وترجمة ده لصور مؤثرة جدا, بجانب ابداعه في التصوير الصحفي وابداعه الشديد في الProjects  اللي بيعملها زي تصويه للحياة اليومية للاجئين السوريين في مصر والحياة اليومية للمكفوفين المصريين, ده بجانب تميزه الشديد والواضح في تغطية الأحداث والمظاهرات والاشتباكات منذ بدء ثورة 25 يناير وده طبعا خلاه كان بيعرض حياته للخطر كتير.

مصطفي حائز علي عدد من الجوائز منها:

- مركز أول قصة مصورة في مسابقة الأمم المتحدة في مصر عن المرأة 2014

- مركز تاني حياة يومية مسابقة شعبة المصورين بنقابة الصحفيين 2015

- جائزة لجنة التحكيم للقصة المصورة مسابقة شعبة المصورين بنقابة الصحفيين 2013

- مركز أول في مهرجان ساقية الصاوي للأفلام الوثائقية 2013

علي المستوي الشخصي مصطفي بيتميز بالبساطة وقربه من الناس خاصة الناس البسيطة, واللي بيحاول بطريقته الخاصة انه يخفف عنهم مشاق الحياة ويبسطهم ولو للحظة ويرسم بسمة علي وشوشهم بصوره الجميلة الأنيقة المعبرة اللي بيصورها لهم.

هتلاقوا هنا عينة من الصور بتاعة مصطفي, اتفرجوا عليها ومتعوا عينيكم, بس علي صفحته و علي أكاونت الانستجرام بتاعه والويب سايت هتلاقوا مئات الصور اللي كل واحدة فيهم أحلي من التانية, دوسوا اللينكات واستمتعوا.

لزيارة الصفحة اضغط هنا

لزيارة الانستجرام اضغط هنا

لزيارة الويب سايت اضغط هنا

#شاب_موهوب

بعض أعمال مصطفي درويش:

تدوير الاطارات في مصر

المكفوفين في مصر

صور من مصر

غزة

تغطية صحفية

صور من حياة اللاجئون السوريون في مصر

السعودية

شكرا علي الاهتمام